Челзи не се откажува од Хаверц: Лампард на трансфер листа става шестмина играчи

Челзи на трансфер листата изгледа ставил дури шестмина играчи.

Френк Лампард ги воодушеви навивачите во сезоната во која мораше да се потпре на играчите само од сопствените редови. Потоа ги израдува со обезбедувањето на Тимо Вернер, а претходно беше потврден и трансферот на Хаким Зијеш. Сега според она она што се пишува на Островот „сините“ преговараат со Каи Хаверц. Асот на Баер веќе долго време е на мета на повеќе клубови и Лампард изгледа одлучил да го подигне влогот.

Според информациите на островскиот „Сан“ кој е таблоид, но знае да погоди, Лампард на раководството на Челзи соопштил дека е спремен да се откаже од дури шест играчи за да го финансира претстојниот преоден рок.

Станува збор за напаѓачот Батшуаи, левите бекови Маркос Алонсо и Емерсон Палмери и играчитео од средината: Дани Дринквотер, Бакајоко и Кенеди.

Меѓутоа јасно е дека нема да може сите да заминат. Еден од левите бекови ќе остане, но потоа е потребна замена, а од поодамна се пишува желбата на Челзи да го ангажира Бен Чивел од Лестер, опција е и Николас Таљафико од Ајакс.

Дринквотер, Бакајоко, Кенеди и Батшуаи посебно после доаѓањето на Вернер се вишок. Само треба да се пронајдат клубовите кои би ги плаќале нивните плати и имаат доволно пари да ги задоволат апетите на Челзи. На овие четворица веројатно би заработиле нешто повеќе од 50 милион иевра, но повторно…Чивел и Таљафико не се така евтини.

На друга страна спортскиот директор на Баер, Руди Фелер сака да го задржи Хаверц на уште една година и нема намера да го пушти за сума под 100 милиони евра.