Чави сепак го враќа Дембеле во тимот

Изненадувачки Осман Дембеле е пред враќање во тимот на Барселона и ќе биде повикан за дербито со Атлетико Мадрид во недела, пренесува „АС“.

Дембеле беше пред заминување од Барселона откако одби да го продолжи договорот, но сепак остана на „Камп Ноу“.

Барселона како казна што ќе замине без обештетување го исфрли од тимот и се очекуваше Дембеле до крајот на сезоната да помине на трибини.

Сепак, Чави разговарал со претседателот Лапорта да го врати во тимот бидејќи му се потребни сите фудбалери до крајот на сезоната, а Дембеле секако може многу да му помогне на тимот.

„АС“ пренесува дека Дембеле сигурно ќе биде повикан за дербито со Атлетико Мадрид, а голема е веројатноста да биде во стартниот состав.

When Ousmane Dembele destroyed half the Barcelona team in training 🕺 pic.twitter.com/FS6xxxylGI

— ESPN FC (@ESPNFC) January 31, 2022