Чави: Против Реал ќе разбереме до каде сме

Тренерот на Барселона, Чави истакна дека утрешниот дуел со Реал Мадрид во Суперкупот ќе покаже до кое ниво се стигнати Каталонците со развојот.

„За нас ова е многу добра можност за трофеј и сме мотивирани. Овој дуел може да биде пресвртна точка за нас. Ел Класико е непредвидливо и никогаш не знаеш што може да се случи. За нас добра вест е што Феран Торес и Педри ќе можат да играат“, изјави Чави.

„Во Ел Класико никогаш нема фаворити.Ќе се обидеме да го наметнеме нашиот стил на игра. Овој меч против Реал ќе ни покаже до каде сме, бидејќи тие се тим со најдобра форма во Шпанија“, додаде Чави.