Црвена Звезда запиша нова победа во Евролигата, Антиќ и повеќе од ефективен

Црвена Звезда славеше во рамки на 12. коло од Евролигата, против екипата на Валенсија со 82:86.

Црвено-белите одлично го стартуваа мечот, па ја имаа предноста по првите десет минути. Сепак тоа не значеше гарант за останатиот дел, па Валенсија успеа да стигне до пресврт и по третата четвртина имаа предност од 63:56.

Црвена Звезда со одлична серија во последниот период во кој се издвои и Перо Антиќ успеа да го донесе мечот до неизвесна завршница. На 39 секунди до крајот со поените на Рочести српскиот тим дојде до 77:78, а на крајот триумфираа со 82:86.

Антиќ одигра нешто повеќе од 25 минути на мечот, постигнувајќи 10 поени. Најефикасен во таборот на белградскиот состав беше Џејмс Фелдин со 25 постигнати поени, додека 13 поени запиша Рочести.