Хуан Себестијан и Верон: Играв и со Меси и со Марадона разликата голема

Хуан Себастијан Верон зборуваше за разликата помеѓу Диего Армандо Марадона и Лионел Меси.

Селекцијата на Аргентина во овие денови е во големи проблеми.

Доживеаа дебакл од Хрватска со 3:0, изгледаат неубедливо, лошо, а ниту атмосферата во тимот не е на потребното ниво.

Сампаоли се наоѓа на удар на јавноста и играчите и поголем дел сметаат дека не му е местото на клупата.

За „Газета’ се огласи Хуан Себастијан Верон, поранешниот репрезентативец на Аргентина и член на Лацио и Манчестер Јунајтед кој ги спореди Меси и Марадона.

„Можам слободно да кажам бидејќи играв и со двајцата. Марадона беше некој на кој секогаш можеш да сметаш. Меси од друга страна е многу повлечеен…Едноставно не му е судено да биде лидер. Не ги доведувам во прашање неговите технички квалитети, туку неговите карактерни особини“, изјави Верон.

Аргентина за место во 1/8 финалето на Мундијалот ќе мора во последното коло од групната фаза да слави против Нигерија, во спротивно ќе бидат елиминирани.