Хрватите немаа среќа, Шпанија ја освои Лига на нации

Финалето од Лигата на нации меѓу Хрватска и Шпанија не понуди особено добар фудбал, ниту пак голем број на шанси.

Победата ја оствари Шпанија со резултат 5:4 по подоброто изведување на пенали.

Најчесто се играше на средината на теренот, па играта беше повеќе тактичко надмудрување на двајцата тренери, а тоа најдобро го покажува еден факт.

Имено, речиси во текот на целиот натпревар беа видени само две реални прилики и двете беа видени од навивачите во првите 45 минути игра.

Првата и единствена вистинска шанса на овој натпревар Шпанија ја имаше во 12. минута кога Гави се обиде од работ на шеснаесетникот, но не беше прецизен.

Кога станува збор за Хрватска, најдобрата шанса ја имаа во 31. минута. Перишиќ одлично погоди со глава, но неговиот обид го одбрани Унаи Симон.

Во вториот дел иста слика на теренот како и во првото полувреме. Беа видени две убави шанси, но и двете пред голот на Хрватска.

Најпрво Родри имаше многу добар удар во 65. минута, но неговиот удар мина само покрај голот на Хрватска.

Втората добра шанса беше во 84. минута кога шутираше Фати, но хрватската одбрана реагираше навистина феноменално.

Фактот што во вториот дел ниту една репрезентација не упати удар кон голот, најдобро опишува каква игра гледавме.

Исто како 90-те минути во регуларниот дел од натпреварот, така и продолженијата не донесоа ништо посебно. Само една шанса за Шпанија.

Се играше во 108. минута кога Олмо шутираше добро, но хрватската одбрана повторно беше на нивото на задачата.

Ниту еден тим не постигна гол до крајот на натпреварот, па започна пенал-рулетот.

Сигурни беа првите три изведувачи во двете селекции, а во четвртата серија Мајер промаши пенал за Хрватска.

По него стрелаше и Асенсио, кој беше сигурен. Перишиќ го реализираше петтиот пенал за Хрватска и беше безбедно. Лапорте го имаше победничкиот пенал, но ја погоди гредата, а пенал серијата продолжи.

Петковиќ промаши и со тоа и даде нова шанса на Шпанија за победа. Тоа го искористија Шпанците и победија со вкупни 5:4 по пеналот.