Хенес: Ако Барселона играше во Германија ќе беше под сомневање за банкрот

Поранешниот прв човек на Баерн Минхен, Ули Хенес ја коментираше ситуацијата во екипата на Барселона.

Каталонскиот гигант има огромни финансиски проблеми. Долговите се поголеми од милијарда евра, а Хенес тврди дека Барселона би била поголеми проблеми ако играла во Германија.

„Барселона е без пари. Да беа во Германија сигурно ќе беа под сомневање за прогласување банкрот“, изјави Хенес.

Исто така Хенес зборуваше за финансиите на Баерн кои после пандемијата не се баш најдобри.

„Без гледачи губевме 80 до 100 милиони евра годишно. Нашата штедна книшка која беше полна сега е многу помала. Се уште постои, но ако кризата продолжи ќе дојдат тешки времиња“, изјави Хенес.