Хари Кејн сигурен: Уште долго ќе останам во Тотенхем!

Ѕвездата на Тотенхем, Хари Кејн уште еднаш ја потврди верноста кон својот клуб и изјави дека наскоро ќе потпише нов договор со „спарси“.

Хари Кејн, има договор со Тотенхем до 2020 година кој му гарантира 50.000 фунти неделно, но раководството веќе ги започна преговорите со неговиот менаџер за нов, финансиски подбар договор.

„Преговараме, но јас сум сигурен дека ќе се договриме. Нема место за паника, само сакам да кажам дека она што е објавено во медиумите за условите кои наводно ги барам, не е вистина. Среќен сум во Тотенхем и се надевам дека уште долго ќе бидам тука“, изјави Кејн.

Хари Кејн минатата сезона со 25 голови беше најдобар стрелец во Премиерлигата. Оваа сезона има постигнато пет гола, од кои два во пресвртот против Вест Хем во саботата.