Хари Кејн на полувремето одржал говор во соблекуваланта на Тотенхем

Десниот бек на Тотенхем, Киран Трипие откри што најдобро ги мотивирало него и согирачите на полувремето од синоќешниот натпревар.

„Петлите“ на полувремето имаа негативен резултат од 2:0, но сепак успеаа да направат пресврт и со 3:2 да се пласираат во големото финале. Трипие вели дека во соблекувалната на Тотенхем влегол повредениот Кејн кој ги мотивирал своите соиграчи да одиграат далеку подобро второ полувреме.

„На полувремето влезе во соблекувалната и лудуваше на нас говорејќи дека можеме да играме подобро. Тоа го знаевме сите, но ни беше потребно неговото водство во тој момент. Знаевме што ќе се случи кога влезе во соблекувалната, бидејќи не беше среќен. Не поддигна и неговото присуство е од огромно значење за нас“, изјави Трипие.

Инаку, Тотенхем во финалето ќе игра против Ливерпул на 1. јуни во Мадрид.