Хамес Родригез го избра новиот клуб!?

Шпанскиот магазин „Don Balon“ пренесува дека Хамес Родригез на крајот на сезоната сигурно ќе го напушти Реал Мадрид и дознава дека Колумбиецот кариерата ќе ја продолжи во Премиер лигата.

Повикувајќи се на извори блиски до „десетката“ на Реал, весникот тврди дека наредната дестинација во неговата кариера ќе биде Манчестер Јунајтед.

Интерес за Хамес Родригез покажаа неколку европски гиганти меѓу кои Баерн Минхен, Ливерпул и Јувентус, меѓутоа Колумбиецот избрал да се пресели на „Олд Трафорд“.

Родригез оваа сезона кај Зидан има мала минутажа и неколку пати јавно призна дека не е задоволен од својот статус во Мадрид.

„Кралевите“ нема да му стојат на патот и ќе го пуштат да си замине на лето, а за возврат ќе бараат сума помеѓу 50 и 60 милиони евра.