Халанд има свој сон, но Раиола има поинаков план

Мадридските и каталонските медиуми продолжуваат да водат свое „Ел Класико“ за потписот на Ерлинг Халанд.

Утрово мадридските медиуми објавија дека сонот на Ерлинг Халанд е да го облече дресот на Реал Мадрид, но од Каталонција доаѓаат поинакви вести.

Тамошните медиуми тврдат дека Мино Раиола го убедува Халанд и неговиот татко дека Барселона е подобра опција за напаѓачот. Лапорта преку Раиола испратил понуда од 150 милиони евра за пет години, што значи дека Халанд на „Камп Ноу“ годишно ќе заработува 30 милиони евра.

Исто така Барселона е спремна да ја плати откупната клаузула од 75 милиони евра, како и 40 милиони евра провизија за Раиола и таткото на играчот.

Битката за потписот на Халанд продолжува, а Реал Мадрид и Барселона важат како фаворити за неговиот потпис.