Халанд во голема трампа се сели во Серија А

Eрлинг Халанд продолжува да ја воодушевува фудбалската јавност, па европските гиганти веќе почнаа да се „тепаат“ за неговиот потпис.

За потписот на Халанд интерес покажуваат многу европски гиганти, а неговиот менаџер Мино Раиола не ја исклучува можноста Норвежанецот да се пресели во Серија А.

„Спортмедиасет“ пренесува дека Милан веќе работи на неговиот трансфер и дека Халанд би можел да ја продолжи кариерата на „Сан Сиро“.

Раиола веќе започнал преговори со „росонерите“,  а Милан ќе треба да постигне договор со Борусија Дортмунд.

Цената на Халанд во моментов изнесува најмалку 80 милиони евра, но Милан е спремен во зделката да го вклучи Рафаел Леао, за кого Дортмунд покажува силен интерес.