ФФМ одлучи: Службена победа за Шкендија и драстична казна за Шкупи

ФФМ донесе одлука и изрече драстична казна за Шкупи после денешниот инцидент на натпреварот против Шкендија.

Натпреварот беше прекинат во 8-та минута, откако после голот на Елези и водството на Шкендија настава вистински хаос. Домашните навивачи „Шверцери“ влетаа на теренот, по што настана мешаница и масовна тепачка, а мечот беше прекинат.

„На вонредна седница по повод инцидентот на денешниот натпревар Шкупи – Шкендија од 1/4 финалето од Купот на Македонија, Комисијата за натпреварување на ФФМ донесе одлука тимот на ФК Шкендија, службено со 3:0 да го добие натпреварот со ФК Шкупи.  Теренот на ФК Шкупи, стадионот во Чаир, се суспендира за одигрување на првенствени и куп натпревари. ФК Шкупи се предава на Дисциплинска комисија на ФФМ.  ФК Шкупи мора да пријави терен за одигрување на натпреварите како домаќин најмалку 100 километри оддалечен од стадионот Чаир во Скопје“, се вели во соопштението на ФФМ