Фуриозен старт, скромен крај: Барселона и Севиља ги поделија бодовите ?

Барселона вечерва ја пречека Севиља во натпревар од 4. коло во шпанската Ла Лига и оваа средба заврши со поделба на бодовите 1:1.

Барса добро ја започна сезоната под водство на Роналд Куман, но Севиља традиционално е за нив незгоден противник.

После само седум минути игра Лук Де Јонг ја погоди мрежата на каталонци и го доведе тимот од Андалузија во водство, но славјето не траеше долго. Веќе две минути подоцна Кутињо го изедначи резултатот. Тогаш изгледаше дека ќе гледаме дуел со многу голови, но не беше така, ситуацијата се смири.

Гризман пропушти добра прилика, Пике за малку ќе си дадеше автогол и во главно тоа беа најголемите прилики кои ги видовме до крајот, остана 1:1.