Репрезентацијата на Франција го доживеа првиот пораз на Мундијалот, од Тунис 0-1 во третото коло, иако тоа не влијаеше на нивниот пласман во осминафинале.
Французите ќе се жалат до ФИФА затоа што им беше поништен гол во 98-та минута од натпреварот, и тоа откако судијата претходно досуди крај.
Главниот судија на средбата Метју Конгер од Нов Зеланд веќе свирна крај на натпреварот, но потоа отиде кај мониторите на ВАР да го прегледа моментот при голот на Гризман. По прегледување на видеото Конгер го откажа голот поради офсајд позиција.
Според протоколот ВАР, судијата немаше право да го користи правото на видео преглед по продолжувањето на играта.
„Ќе поднесеме жалба поради поништување на голот на Антоан Гризман. Според нас, по грешка е откажан“, стои во реакцијата на Французите.
Учество во игри на среќа е дозволено за лица со 18+ години. Играј одговорно!