ФОТО: Обложувалница му фаќа сеир и го понижува Ромелу Лукаку

Верувале или не, Ромелу Лукаку оваа сезона не постигнал ниту еден гол на „Олд Трафорд“.

Белгиецот настапи на 18 натпревари и постигна пет погодоци, што е далеку полош учинок од она што се очекуваше.

Лукаку навистина е во голгетерска криза, но некои британски обложувалници отидоа толку далеку што во својата понуда вметнаа неколку специјални игри со кои може да се каже дека го понижија овој напаѓач.

Така „Бетфаир“ пред вечерашниот натпревар на Манчестер Јунајтед и Арсенал на „Олд Трафорд“ понуди неколку интересни опции. Имено можете да одиграте дека Лукаку ќе падне преку топката и коефициентот за овој тип изнесува 3.50, дека ќе биде заменет во првото полувреме (6.00), ќе има шут кој ќе заврши во аут (8.00), ќе си постигне автогол (51.000)…

Исто така можете да се обложите и дека Лукаку нема да биде стартер (3.00) или дека нема да има удар во рамките од голот (4.50).