ФИФА избра: Роналдо ги победи Меси и Нејмар!

Првата ѕвезда на Реал Мадрид, Кристиано Роналдо, вечерва на гала вечерта на ФИФА беше избран за играч на годината.

Главни конкуренти на Португалецот за освојување на оваа награда му беа поранешните соиграчи од Барселона, Лионел Меси и Нејмар, сепак според многумина Роналдо заслужено стигна до престижната награда.

Роналдо во минатата сезона со „кралевите“ ја освои Лигата на шампионите, каде што во финалето беа убедливи против италијанскиот претставник Јувентус.

Покрај титулата во Лигата на шампионите, најдобриот фудбалер во светот со својот клуб го освои и домашното првенство во кое постигна и 25 погодоци, додека во Лигата на шампионите беше и најдобар стрелец со 12 постигнати погодоци со одиграни нешто повеќе од 1200 минути.