Финале пред финале во Кралскиот куп

Денес беа извлечени полуфиналните двојки во шпанскиот Кралски куп. Првиот полуфинален пар го сочинуваат Барселона и Валенсија, а вториот Леганес и Севиља.

Барселона синоќа со 2-0 го совлада тимот на Еспањол и со вкупен резултат 2-1 се пласира во полуфиналето, додека Леганес направи сензација со победата над Реал Мадрид.

Вкупниот резултат беше 2-2, но Леганес помина поради повеќе постигнати погодоци во гости, бидејќи во реваншот славеше со 1-2.

Првите натпревари се играа на 31. јануари, а реваншите на 7 февруари.