ФА Куп: Фабрегас се прости од навивачите, Мората донесе победа за Челзи

Фудбалерите на Челзи рутински ја завршија работата во третото коло од ФА Купот, откако со 2:0 го победија Нотингем Форест.

Челзи славеше против екипата од Чемпионшип со 2:0, а херој на „сините“ беше Алваро Мората.

Шпанецот постигнуваше голови во 49-тата и 59-тата минута, а два пати му асистираше Хадсон-Одои. Помеѓу двата гола, Мората имаше и едно неверојатно промашување.

Фабрегас промаши пенал во првото полувреме, а во 85-тата минута беше заменет. Во тој момент навивачите го испратија со овации бидејќи многу веројатно е дека ова беше негов последен натпревар за Челзи. Наскоро би требало да направи трансфер во Монако.

ФА Куп резултати:

Акрингтон – Ипсвич 1:0

Астон Вила – Свонси 0:3

Болтон – Валсал 5:2

Брентфорд – Оксфорд 1:0

Дерби – Саутемптон 2:2

Евертон – Линколн 2:1

Флитвуд – Вимблдон 2:3

Глингам – Кардиф 1:0

Миделсброу – Патерборн 5:0