Фатих Исмаили: Ние сме Шкупи и во Струга одиме на победа

Oткако во минатото коло го совладаа Работнички на Чаир со 3:1 лидерот Шкупи утре ќе ја брка 18. победа во сезоната. Противник на Шкупи ќе биде Струга Трим.

Во ноември Шкупи славеше убедливо со 4:0 на свој терен, па сега посакуваат нова победа. Фатих Исмаили се враќа во редовите на Шкупи после повредите.

„Во струга одиме на победа и не разговараме за тоа. Работевме континуирано и максимално сме подготвени за овој натпревар. Струга има добар тим со добри играчи, но ние сме Шкупи и одиме на победа. Среќен сум што се враќам во тимот после повредите и се надевам дека ќе му помогнам на тимот во преостанатите натпревари“, изјави Исмаили.

За овој натпревар ФФМ како главен судија го делегираше нашиот најдобар арбитар Александар Ставрев.

Фото: ФК Шкупи