Уште една сензација од Креспо и Ал-Аин: Го елиминираа и лидерот од Саудиска Арабија за финале во азиската ЛШ!

Ал Аин од Обединетите Арапски Емирати приреди нова сензација во азиската Лига на шампиони.

Откако во четврт-финалето го елиминираше Ал Наср на пенали, саудискиот клуб за кој настапуваат Кристијано Роналдо, Марсело Брозовиќ, Садио Мане, Ајмерик Лапорте, Давид Оспина, Алекс Телес, сега го елиминираше и Ал Хилал, убедливиот лидер во саудиската лига во полуфиналето.

Тимот предводен од Сергеј Милинковиќ-Савиќ, Александар Митровиќ, Калиду Кулибали, Рубен Невес, Јасин Боно…,беше елиминиран од тимот од Обединетите Арапски Емирати каде што најпознато име е тренерот Ернан Креспо кој зад себе имаше блескава кариера како напаѓач, но не така успешна тренерска засега.

Но, Ал Аин, сепак, елиминираше уште еден саудиски супербогат со вкупни 5:4 во полуфиналето на азиската Лига на шампиони. Иако Ал Хилал го доби реваншот со 2:1, тоа не беше доволно за место вп финалето бидејќи претходно беа поразени со 4:2.

Во битката за трофејот Ал Аин ќе игра против подобриот од корејскиот Улсан и јапонската Јокохама.