Уште еден натпревар на Јокиќ со дабл-дабл и над 30 поени

Никола Јокиќ одигра нов одличен натпревар.

Дабл-дабл учинок и натпревар со повеќе од 30 поени веќе не се изненадување кога во прашање е Јокиќ. Нова одлична вечер српскиот центар имаше во победата на Денвер над. Минесота (114:103).

Јокиќ беше мотивиран од самиот старт и уште првата четвртина ја заврши со 16 поени, така ја најави и втората победа во низа за Денвер на гости. Во ритамот од првата гостите продолжија и во втората четвртина. Минеоста се разбуди на крајот на третата четвртина и успеа да дојде до минус три со што се влезе во неизвесна завршница.

Српскиот центар мечот го заврши со 31 поени, 14 скокови и четири асистенции, додека на другата страна најдобар беше Едвардс со 29 поени. Со вечерашниот триумф Денвер стигна до третата победа над Минесота оваа сезона.