Уште еден Бразилец потпиша за Ал-Хилал

Левиот бек Ренан Лоди и официјално е нов член на Ал-Хилал од Саудиска Арабија.

Бразилецот кој има 25 години го напушти Олимпик Марсеј и Лига 1 за богатата понуда која ја доби од арапската земја.

Марсеј како оштета за услугите на Лоди ќе добие сума од 20 милиони евра, а договорот кој го потпишаа двете страни е на 3.5 години. Заработка од трансферот на Лоди ќе има и Атлетико Мадрид кој ќе добие сума од околу осум милиони евра.

Лоди во Марсеј пристигна минатото лето за околу 13 милиони евра.