Универзитетот во Неапол на македонски јазик му се заблагодари на Елмас 🎥

Универзитетот во Неапол на македонски јазик му се заблагодари на Елиф Елмас за придонесот во титулата во италијанското првенство на која Наполи чекаше 33 години.

Во видеото на 19 различни јазици се честита на фудбалерите кои учествуваа во оваа сезона, а помеѓу нив е и македонскиот јазик.

„Почитуван Елиф Елмас, Ви благодариме во името на нашата академска заедница за радоста што му ја донесовте на нашиот град и на неговите луѓе“, гласи пораката до Елмас.

Дресот на Наполи Елмас го носи од летото во 2019 година кога италијанскиот клуб му плати 16 милиони евра на Фенербахче. Сезонава македонскиот репрезентативец е трет стрелец на тимот зад Осимен и Кварацхелија со шест гола и три асистенции.