Украинците се жалат: ФИФА не сакаше Украина да игра во Катар

Репрезентацијата на Украина не успеа да ја помине последната пречка пред Светското првенство во Катар откако беше поразена од Велс со 0:1.

По тој пораз на Украинците скоро сите фудбалери се расплакаа затоа што сакаа да донесат барем малку радост на своите сонародници кои се во тешка состојба поради инвазијата на Русија.

Украинците после натпреварот го искажаа бесот и се лути пред се поради недосудениот пенал врз Јармоленко. Новинарите и фудбалските работници во оваа земја се убедени дека биле драстично оштетени.

„ФИФА не ја сакаше Украина во Катар. Натпреварот го судеше човек кој ми е пријател, но се покажа како вистински гад. Судењето беше сра*е, се беше апсурдно. Насмевката на судијата по недосудениот пенал беше исмевање, не само на фудбалерите туку и на целиот наш народ“, изјави Олександр Шамич.