УЕФА ќе се приклучи во бојкотот на англиските клубови

Како што соопштија од УЕФА, Европската куќа на фудбалот ќе им се приклучи на англиските тимови кои ќе бојкотираат викендов.

Бојкотот ќе започне во 16 часот во петок (утре) и ќе трае се до понеделник до 23:59 часот. Претседателот на УЕФА, Александар Чеферин изјави дека тие ќе искажат поддршка за фудбалерите кои многу често добиваат навреди преку социјалните мрежи.

„Социјалните мрежи во денешно време често пати се злоупотребуваат. Таквиот тренд мора да запре. Не смееме да имаме такво однесување, тоа не е опасно само за фудбалот туку за целото општество. Затоа ќе се приклучиме и ќе ја поддржиме оваа иницијатива“, изјави Чеферин.