УЕФА донесе одлука за учесниците во Европа ако сезоната не заврши

Идните учесници на европските клупски турнири ќе бидат утврдени само врз основа на резултатите што ги постигнале на соодветните првенства, доколку тие не успеат да завршат.

Тоа значи дека клубовите по актуелниот пласман на табелата ќе одат во европските натпреварувања за следната сезона, а не по коефициентот како што претходните денови се најавуваше.

Во случај некој од клубовите да има помал број на одиграни средби во борбата за Европа, ќе биде применет систем по просек на поени по натпревар и на тој начин ќе се одреди конечниот пласман.

Секако, сите ќе се потрудат да завршат шампионатите до 3 август, но во првенствата каде тоа нема да се случи, учесниците во ЛШ и ЛЕ ќе се одредат според моменталниот пласман.