Тухел: Титулата е во наши раце

Тренерот на Баерн Минхен, Томас Тухел пред утрешниот меч со Шалке во Бундеслигата изјави дека се е во рацете на Баварците.

Борбата за титулата оваа сезона во Бундеслигата е исклучително интересна, а на три кола пред крајот Баерн има еден бод повеќе од Борусија Дортмунд.

„Имаме се за освојување, и ништо за губење. Титулата е во рацете на Баерн, но ние треба да се бориме за неа. Затоа ја бркаме. Имаме еден бод предност, таа е во наши раце, ја гледам само во мојот тим“, рече Тухел.

На крајот Тухел даде коментар за иднината на Томас Милер, за кого се шпекулира дека може да го напушти Баерн на крајот на сезоната.

„Томас за тоа треба да одлучи сам. Милер е Баерн и Баерн е Милер. Тој игра за 12-та титула во Бундеслигата и целосно е фокусиран на тоа. Се останато не е важно“, изјави Тухел.