Тухел пресреќен: Дојдов на вистинско место во вистинско време, уживам во Англија

Челзи игра одлично под водство на Томас Тухел. Германецот доведе помеѓу најдобрите четири во ПЛ, а „сините“ ќе играат финалиња во Лигата на шампионите и ФА Купот.

Тухел признава дека ова е неговиот најсреќен период во кариерата.

„Навистина уживам во Англија. Дефинитивно ова е најсреќниот период во мојата кариера, многу е добро да сте тренер тука. Го чувствувам тоа од првиот ден кога дојдов. Постојано тоа им го зборувам на пријателите и семејството“.

„Апсолутно сум среќен, дојдов на вистинско место во вистинско време. Се надевам дека и другите околу мене се чувствуваат така“.

Тухел едвај ги чека и навивачите.

„Можам само да замислам како кога ќе играте пред навивачи во Саутемптон, Лидс, Ливерпул, Манчестер…Едвај го чекам и тој момент“, изјави Тухел.