Тухел: Баерн е навикнат да игра финалиња, но…

Тренерот на Пари Сен Жермен, Томас Тухел го истакна искуството на Баерн Минхен пред денешното финале во Лигата на шампионите во Лисабон.

Според Тухел, искуството е предност, но тоа нема да биде пресудно, бидејќи во неговиот тим има играчи, кои веќе го освоиле трофејот во своите кариери.

„Баерн е во феноменална форма. Тимот е мешавина од млади и гладни играчи, како и искусни играчи, калени во многу турнирски битки. Нашиот тим има и играчи кои веќе го освоија трофејот. Многу зборувам со Кејлор Навас, Анхел ди Марија и Нејмар, кои го кренаа трофејот во Лигата на шампионите“.

„За Баерн е позната предност што се навикнати да учествуваат во вакво финале, но тоа веројатно нема да биде пресудно“, истакна Тухел.

Тој откри и дека италијанскиот играч за врска Марко Верати е подготвен да игра во големото финале.