Три клуба биле спремни да ја платат клаузулата за Вилијанс, но НЕ и Барселона

Крилниот напаѓач на Атлетик Билбао, Нико Вилијамс важеше за едно од најжешките имиња на трансфер пазарот ова лето, но тој одлучи да остане во својот клуб.

После одличната сезона Вилијамс буквално „експлодира“ на Европското првенство и беше еден од најважните играчи на Шпанија.

„Марка“ пренесува дека летово имало дури три клуба кои биле подготвени да ја платат откупната клаузула на играчот, која изнесувала 58 милиони евра, но меѓу нив не била Барселона.

Токму Каталонците важеа за фаворити за потписот на Нико Вилијамс, но Барселона не успеа да продаде играчи и да собере средства за трансферот, па на крајот Вилијамс реши да остане во Билбао.