Тренерот на Шамрок: Шкупи е многу силен тим!

Македонскот првак Шкупи утревечер од 21 часот ќе гостува кај Шамрок Роверс во Ирска, во првиот меч од третото квалификациско коло од Лигата на Европа.

Тренерот на ирскиот тим, Стивен Бредли го повика својот тим на претпазливост и потенцира дека Шкупи е одличен тим.

„За противник имаме многу, многу силен ривал. Шкупи беше рамноправен во двомечот против Динамо Загреб, што покажува за каков противник се работи. Го почитуваме противникот, но како и на секој меч, така и сега, ние ќе наметнеме наш стил на игра. Знаеме дека имаме квалитет да стигнеме до победата“, истакна Бредли.