Тренерот на Мекгрегор: Искрено ви кажувам, во подобра форма не сум го видел!

Конор Мекгрегор на 18. јануари се враќа во октагон, а противник ќе му биде Доналд Серон.

Ирецот максимално спремен влегува во оваа борба, а неговиот тренер Џон Каванаг тврди дека Конор никогаш не бил повеќе спремен.

„Искрено ви кажувам, ова е најдобриот Конор кој сум го видел. До пред шест месеци не можев да замислам дека ќе биде во ваква форма. Противничката екипа ќе има проблем и мило ми е“, порача Каванаг.

Мекгрегор последен пат се бореше во октомври 2018 година кога беше поразен од Кабиб Нурмагомедов.