„Тренерот ме нарекуваше мајмун и ми викаше да се вратам во џунгла“

Напаѓачот на ФК Далас Фафа Пикалт ја отвори душата и откри дека како тинејџер бил жртва на расизам.

Пикалт беше член на Каљари во Италија и признава дека често пати бил навредуван на расна основа. На 16 години се преселил во Италија и таму се соочувал со непријатности скоро секојдневно.

„Секојдневно се соочував со тренерот на резервниот тим кој ме нарекуваше мајмун и ми викаше да се вратам назад во џунглата во Африка. Понекогаш во соблекувалната наоѓав лушпи од банани“.

„Ми зборуваа дека дека црните играчи немаат техника, дека сум брз и дека морам да трчам. Беше тоа најлошиот човек кој сум го запознал. Трпев секакви навреди додека живеев таму“, раскажа Пикалт.

Пикалт кој денес има 29 години роден е во Њујорк.