Тотенхем ја одредил цената за Кејн

Хари Кејн веќе неколку години наназад е помеѓу најдобрите напаѓачи во светот.

Иако редовно постигнува голови и прикажува добри настапи, Кејн се уште не успева да освои трофеј со Тотенхем. Англискиот голгетер има 27 години и се шпекулира за негово заминување од Тотенхем.

Англиските медиуми веќе пишуваа и дека Тотенхем ја одредил цената за својот капитен и најдобар играч. Кој го сака Кејн наводно ќе мора да плати 200 милиони евра.

Со оглед дека голем број клубови се погодени од финансиската криза поради пандемијата од коронавирусот тешко дека некој е спремен да го плати овој износ.

Инаку, Кејн е член на Тотенхем уште од 2011 година, а договорот со Спарсите му важи уште три сезони.