Тотенхем спрема јануарска „бомба“ од 35 милиони!

Англиските медиуми пренесуваат дека Тотенхем во зимскиот преоден рок ќе се обиде да го донесе крилниот напаѓач на Кристал Палас, Вилфред Заха.

Менаџерот Покетино го означи Заха како приоритет во зимскиот преоден рок, бидејќи Ламела и Сон играат во променлива форма и му треба засилување на крилните позиции.

Заха игра одлично во дресот на Кристал Палас, постигна 5 гола и запиша 6 асистенции од почетокот на сезоната, па го привлече вниманието на неколку големи клубови.

„Спарси“ сакаат да ја победат конкуренцијата и наводно спремиле понуда од 35 милиони евра, која се верува дека ќе биде доволна за челниците од Кристал Палас да ја пуштат својата ѕвезда.