Тоа што и се случи на Србија не се случило на никоја друга репрезентација на ЕП

Репрезентацијата на Србија вчера беше елиминирана од Европското првенство откако со ремито против Данска заврши како последна во групата.

Групата на Србија беше многу изедначена, а Данска и Словенија поминаа во следната фаза со по три бода, бод повеќе од Србија.

Исто така Србија е единствената репрезентација во историјата на европските првенства која го освоила последното место во групата со само два примени гола.

Имаше и претходно репрезентации кои беа елиминирани со исто толку примени голови, но тоа беа репрезентации кои завршија на третото место во групата, во моментот кога двете најдобри одеа во нокаут фазата. На ова првенството место во осминафиналето имаат и најдобрите четири третопласирани селекции.