Терим „повлече нога“ и Арсенал ќе му помогне на Емануел Ебуе!

Во Арсенал заработуваше огромни милиони, но денес остана без ништо.

После Галатасарај и Фатих Терим, помош на Емануел Ебуе му понуди и неговиот поранешен клуб Арсенал.

Ебуе во времето кога настапуваше беше миленик на навивачите, а сега откри дека размислувал и да си го одземе животот бидејќи лошото управување со финансиите го довело до работ на егзистенцијата.

Арсенал за кој Ебуе настапуваше од 2005 до 2011 година бара начин на кој може да му искаже поддршка на поранешниот репрезентативец на Брегот на Слоновата Коска.

Галатасарај му понуди да го превземе тимот до 14 години, а Арсенал сеуште бара начин како да му помогне.

„На сите нас ни е жал поради се што му се случи на Ебуе и се обидуваме да пронајдеме начин на кој можеме да му помогнеме“, изјави порпаролот на клубот од Лондон.