Тежок удар за Лејкерс: Се повреди Леброн!

Во важен дел од сезоната Лос Анџелес Лејкерс добија тежок удар, ќе мораат да бидат без Леброн.

Откако склопија тим кој би требало да се избори за плеј-оф Лејкерс останаа без еден од своите најважни играчи. Најдобриот стрелец во историјата на НБА ќе паузира неколку недели поради повреда на стапалото.

Леброн се повреди во третата четвртина во натпреварот против Далас при еден доскок. Остана да лежи на паркетот до интервенцијата на докторите. По реакцијата на докторскиот тим Леброн сепак го продолжи натпреварот.

LeBron shares a picture of his injured foot to his IG story pic.twitter.com/1vNhTGnO6G

— NBA Retweet (@RTNBA) February 28, 2023

Еден ден подоцна Леброн објави фотографија на друштвените мрежи од повредата додавајќи пцовка и налутени емонтикони. Од Лејкерс потврдија дека сигурно нема да игра против Мемфис, меѓутоа многу веројатно ќе следи и подолга пауза.

Секогаш добро известениот новинар за случувањата во НБА, Шемс Шарни објави дека Лејкерс се спремаат за повеќенеделно отсуство на „кралот“.