„Тандем од соништата“: Јувентус му носи идеален партнер на Влаховиќ

Николо Заниоло важи за еден од најголемите италијански таленти, а на лето би можел да ја напушти Рома.

Италијанските медиуми пренесуваат дека Јувентус покажува сериозен интерес и Заниоло ќе биде примарна трансфер цел на „старата дама“.

„Бјанконерите“ подготвуваат понуда за 22-годишниот офанзивен играч кој има договор со Рома до 2024 година.

Заниоло одбива да го потпише нов договор со „волчицата“, па тоа ќе ја натера Рома сериозно да размисли да го продаде на лето.

Според „Газета дело Спорт“ Јувентус веќе стапил во контакт со неговиот агент и Заниоло дал согласност за преселба во Торино.

Јувентус верува дека Заниоло може да биде наследник на Дибала и одличен партнер на Влаховиќ во нападот.