Суперлигата може да ја забрза идејата за Балканска лига?

Светот бруно реагираше на одлуката на 12. клуба предводени од првиот човек на Реал Мадрид, Флорентино Перез да формираат Суперлига.

Најавите се дека Суперлигата ќе започне да функционира од август 2021 година, меѓутоа УЕФА најави санкции и во овој период се води вистинска „војна“.

Флорентино Перез беше гостин во најгледаната спортска емисија во Шпанија и ја објасни идејата за формирање на ова натпреварување. Помеѓу другото Перез посчи дека слушнал најави за формирање на Балканска лига.

„УЕФА треба да разбере дека фудбалот се менува. Слушам дека Скандинавците сакаат своја лига, земјите од Бенелукс, Балаканците исто така…Клубовите сакаат промени за подобрување на актуелната ситуација“, истакна Перез.

Инаку, идеја за Балканска лига постои од поодамна, тука би влегле екипи од Романија, Бугарија, цела-екс СФРЈ, Алабија и Грција. Секогаш кога ќе дојде до разговор за ваква лига најголем проблем е безбедноста.
Поголем дел од интервјуто на Перез можете да го прочитате – тука.