Судијата кој го потврди пеналот на Англија од ВАР собата делегиран и за финалето

Финалето на Европското првенство во недела ќе го суди Бјорн Кјуперс, меѓутоа повеќе внимание привлече името на Пол Ван Бокел.

Пол Ван Бокел е судијата кој доби огромни критики овие денови затоа што од ВАР собата го потврди пеналот кој го досуди Макели. Овој пат за финалето тој ќе биде ВАР асистент, претходно беше главен во ВАР собата.

Помошници на кјуперс ќе бидат Сандер Ван Ракел и Ервин Зеинстра, главен за ВАР овој пат ќе биде Германецот Бастиан Данкерт.

Сигурно дека по одлуката Пол Ван Бокел да биде делегиран за финалето, па макар и како ВАР асистент ќе биде критикувана од јавноста.