Судбината си поигра со македонските легенди: Лечиќ на 81. роденден остана без својот пријател и соработник

Утрово Македонија ја погоди трагичната вест за смртта на македонската кошаркарска легенда Благоја Георгиевски – Буштур.

Буштур животот го загуби во собраќајна несреќа во Кисела Вода. Судбината како да сакаше да си поигра, па Буштур овој свет го напушти на денот на роденденот на уште една македонска легенда, Лазар Лечиќ.

Лечиќ денес го прославува 81. роденден кој веројатно ќе биде најтажниот во неговиот живот затоа што о остана без неговиот кошаркарски наследник и човекот кого го тренираше и со кого соработуваше во Работнички, но и во југословенските репрезентации.

Треба да се спомене дека Буштур минатата година за 80. роденден на Лечиќ беше еден од иницијаторите за големата академија. За жал тоа беше последната роденденска прослава на Лечиќ на кој присустуваше Буштур.

„Со ова сакаме да му дадеме признание на Лазар Лечиќ за се што направи за македонската кошарка кошарката и за нас. Остваривме контакти со многу луѓе кои сакавме да дојдат во Скопје. Речиси сите наши покани се од прв момент прифатени и тоа е доказ за белегот што го остави Лечиќ во македонската и југословенската кошарка“ гласеше изјавата на Буштур минатата година за организацијата на настанот на кој присустуваа повеќе кошаркарски легенди.