Столе е далеку од Барселона: Рајо им бара на Каталонците – 50 милиони евра!?

Иако изгледаше дека работата е блиску да биде завршена, сепак не е така. Столе Димитриевски во овој момент е голман на Рајо Ваљекано и така веројатно ќе остане и по завршувањето на овој преоден рок.

Шпанскиот новинар Раул Гранадо од „Онде Серо“ објави дека откупната клазула за Димитриевски која ја поставил Рајо не е шест милиони евра туку – 50 милиони евра! Гранадо пишува дека Рајо нема намера да го продаде Димитриевски кој има договор до 2024 години, единствена опција тој да замине е некој клуб да ја плати откупната клазула.

Me lo preguntáis muchos, la cláusula de rescisión es de 50 millones de euros. Y sí, Dimi está lesionado y por eso no estaba disponible contra el Betis. https://t.co/GreUJYGzkh

— Raul Granado (@Raul_GranadoOCR) January 10, 2022

Сумата од 50 милиони евра која ја бара Рајо прави трансферот да биде невозможен. Барселона не само што сигурно нема да даде толку пари за голман кој би бил втора опција, туку има и финансиски проблеми, па прашање е дури и да сака дали може да ги плати. Неодамна едвај го регистрираа Феран Торес кој дојде од Манчстер Сити за 55 милиони евра.

Најава дека трансферот нема да се случи дојде и од Маркос де Висенте кој е дел од „Ел Чирингуито“, телевизијата која прва објави за интересот на Барселона за македонскиот голман. Неговите информации се слични како и на Гранадо. Тој пишува дека Рајо не сака да го продаде Димитриевски и сумата која ја бара е преголема.

🚨 Contado en el Twitch del @elchiringuitotv

⚡ El Rayo NO quiere vender a Dimitrievski. Su cláusula es prohibitiva.

👉 La intención es ceder a Arboleda en este mercado, lo que complica todo.

💸 Si el Barça le quiere, tendrá que rascarse el bolsillo. De momento, todo parado.

— Marcos de Vicente (@MarcosdVicente) January 10, 2022

Од Барселона пак не кријат дека сакаат да се ослободат од Нето кој во овој момент е втор голман за да го доведат Димитриевски, меѓутоа според последните информации и условите кои ги поставува Рајо прашање е дали постои шанса за реализација на трансферот.