Стоичков: Рикелме не успеа во Барса затоа што за тренер имаше идиот како Ван Гал

Бугарската легенда Христо Стоичков отворено го критикуваше Луис Ван Гал и порача дека тој е главниот виновник што Хуан Роман Рикелме не успеал во Барселона.

Во Барса Рикелме дојде како големо засилување во еден период кога Реал Мадрид доминираше, но Аргентинецот не одигра многу и не го покажа својот талент како во другите клубови.

Стоичков отворено зборуваше дека за тоа виновник е Луис Ван Гал.

„Рикелме во Барселона не успеа затоа што за тренер имаше идиот како Ван Гал. Да, Ван Гал е тренер кој имаше успеси, меѓутоа поради неговите глупости некои играчи не покажаа се што знаат. Рикелме попрецизно не успеа поради размислувањето на Ван Гал како тој треба да игра. Тој сакаше од јаболко да направи грејпфрут“, изјави Стоичков.

Во Барса Рикелме дојде во 2002 година, а потоа направи трансфер во Виљареал каде што блескаше, следуваше враќање во Бока за која играше уште седум години, а кариерата ја заврши во Аргентинос јуниорс во 2014 година.