Станковиќ: Мурињо падна во несвест кога му кажав што ќе правам

Легендарниот фудбалер Дејан Станковиќ денес и официјално беше претставен пред новинарите како нов тренер на Црвена Звезда.

Станковиќсе заблагодари за довербата која му беше дадена од страна на раководството на клубот.

„Се заблагодарувам на клубот, легендите и навивачите што сум повторно тука. Звезда пред многу години ме испрати во мисија да се вратам во Белград. Се занимавав 20 години со фудбал и никогаш не сум видел еден тренер со насмевка да пречекува друг“, изјави Станковиќ.

Станковиќ е во одлични односи со неговиот поранешен тренер Жозе Мурињо, па откри една анегдота.

„Жозе падна во несвест кога му кажав што ќе правам. Ми посака многу среќа во новата авантура. Навистина долго зборував со него, тој многу ми значи. Како со него, така и со мојот ментор и голем пријател Синиша Михајловиќ“, открива Станковиќ.