Среќниот гол на Коста и ВАР ги разочараа Иранците, Шпанија како Португалија и Уругвај (видео)

И третиот натпревар во денешната мундијалска програма заврши со победа на фаворитот од 1:0. Шпанија минимално го победи Иран.

Иран загуби против Шпанија, но не разочара. Шпанците имаа огромни проблеми да го разбијат бункерот на Иранците.

Шпанија во натпреварот влезе како голем фаворит, но на теренот тоа не изгледаше така. Иран очекувано играше бункер не излегуваше многу од својот шеснаесетник, но во одбраната беа одлични.

Шпанија кружеше се обидуваше, но не успеваа, се до 54 минута од средбата, кога стигнаа до погодок и тоа со голема доза на среќа.

После едно нафрлување, дефанзивецот на Иран се обиде да расичисти, но топката го погоди Диего Коста и заврши во нивната мрежа.

GOAL COSTA! #IRNESP #ESP #IRN #WorldCup pic.twitter.com/NH7Wt0vPCo

— FIFA World Cup (@WorIdCupUpdates) June 20, 2018

Десетина минути подоцна Иран успеа да стигне до погодок, дури и се израдуваа, но после сигнализацијата од ВАР главниот судија на натпреварот оправдано го поништи погодокот.

Iran’s disallowed goal! #IRNESP #IRN #ESP #WorldCup pic.twitter.com/nNDm5OqqUq

— FIFA World Cup (@WorIdCupUpdates) June 20, 2018

Иран и покрај овој пораз останува со некакви шанси за чудо и пласман во нокаут фазата имаат три бода, но за тоа ќе им биде потребна победа против Португалија во последното коло, натпревар во кој повторно влегуваат како атусајдери, додека Шпанија ќе се сретне со Мароко.