Србија стигна до бронза во баскет на ОИ

Србија освои бронза на ОИ во Токио во баскет. Во натпреварот за третото место тие ја победија белгија со 21:10.

Иако Србите беа едни од фаворитите за освојување на турнирот на крајот ќе мора да се задоволат со бронза. Платена беше цената за лошото полуфинале, но сепак успеаа да се соземат и да одиграат во свој стил во утешното финале.

Србите играа добра одбрана, а важни беа и поените на Дејан Мајсторовиќ кога поведоа со 10:6 на пет минути до крајот. Во редовите на Белгија само двајца играчи беа поентерск иактивни Селис и Вервурт.

Душан запиша седум поени, Ратков и Вашиќ по пет, а Мајсторовиќ четири.