Спектакл во Торино: Ќе падне ли „дамата“ на шармот на младите момци од Амстердам?

Денес на програмата ги имаме реванш натпреварите од ¼ финалето на ЛШ, а за вас го издвоивме дуелот кој се игра во Торино каде што Јувентус го дочекува Ајакс. Првиот натпревар беше нерешен и заврши 1-1, па се уште не се знае кој ќе патува понатаму.

Јувентус: Сега или никогаш!

Уште од летниот преоден рок можеше да се заклучи што ќе биде главната цел на Јувентус оваа сезона. Имено, во клубот стигна Роналдо, а тоа беше големо изненадување. Кога се обелодени тоа, сфативме дека „Старата дама“ ќе се обиде да го оствари она што не можеше во 2015 и во  2017 година кога изгубија од Барселона, односно од Реал Мадрид. Што се доенсува до Серија А, Јувентус е се поблиску до 8-та последователна титула и за тоа им е потребно уште еден бод. Треба да признеме дека Јувентус во првиот натпревар создаде одличен резултат, но како што и погоре кажавме, овде ништо не е готово.

Ајакс: Фантастична сезона за Холанѓаните!

Во минатите години Ајакс се потпираше на младите сили со кој без поголеми проблеми стигнуваше до титула во првенството, но немаше воопшто значајни резултати во Европа. Оваа сезона работите се подруги бидејќи управата ја промени филозофијата. Имено, тие ги одбијаа понудите за најдобрите фудбалери и на тој начин ја сочуваа квалитетната екипа. После 8 месеци откако настапи промената, резултатите се веќе видливи. Тие стигнаа до ¼ финалет, а во 1/8 финалето сензационално го победија и елиминираа Реал Мадрид. Во Амстердам ремизираа и сега ќе се обидат повторно да стигнат до позитивен резултат.

Веројатни состави:

ЈУВЕНТУС

Шчесни, Кансело, Бонучи, Ругани, Алекс Сандро, Чан, Пјаниќ, Матуиди, Бернардески, Дибала, Роналдо.

АЈАКС.

Онана, Велтман, Блинд, Де Лихт, Мазаруи, Де Јонг, Ван Де Бек, Шоне, Нерес, Тадиќ, Зијеш.