Спалети се жали: Не добивме чист пенал! 🎥

Наполи иако беше фаворит во двомечот од четвртфиналето, сепак Милан е тој кој продолжи во полуфиналето каде што ќе го чека противникот од денешната пресметка помеѓу Бенфика и Интер каде што „нероаѕурите“ имаат предност од 0:2 од првиот натпревар.

Имаше игра Наполи и во двата натпревари, создаваше шанси, но Милан изгледаше искусно и сигурно на теренот.

Тренерот Лучијано Спалети по натпреварот сепак не пропушти да ја спомене спорната ситуација од првото полувреме во која смета дека се оштетени за пенал.

„Игравме одлично и имавме посед на топка се до примениот гол. Милан постигна гол по единственото посериозно влегување во шеснаесетникот, но и ние можевме да го направиме истото. Мислам дека имаше пенал над Лозано, тоа беше директен удар во скочниот зглоб и на снимките јасно се гледа, беше чист пенал. Можеби ќе кажат дека се жалиме, но тоа беше вистината“, изјави стратегот на Наполи.

Leao v Lozano
Penalty? pic.twitter.com/QUHurPGWnr

— RJ (@tulni) April 18, 2023